అమెజాన్ కంపెనీ మరోసారి భారీ స్థాయిలో ఉద్యోగుల తొలగింపును ప్రకటించింది. ప్రపంచవ్యాప్తంగా ఉన్న కార్పొరేట్ విభాగాల్లో సుమారు 30,000 మంది ఉద్యోగులను తొలగించే యోచనలో ఉందని సమాచారం.
ఈ తొలగింపులు మంగళవారం నుండి ప్రారంభం కానున్నాయని, మరియు ప్రస్తుతం అమెజాన్లో సుమారు 3.5 లక్షల కార్పొరేట్ ఉద్యోగులు ఉన్నారు. వారిలో దాదాపు 10 శాతం మంది ఈ నిర్ణయంతో ప్రభావితమవుతారని తెలుస్తోంది.
ఈ తొలగింపులకు ప్రధాన కారణంగా కరోనా సమయంలో జరిగిన అధిక నియామకాలను అమెజాన్ పేర్కొంది. కరోనా సమయంలో ఆన్లైన్ డిమాండ్ పెరగడంతో కంపెనీ వేగంగా విస్తరించింది.
ఇప్పుడు ఆ డిమాండ్ తగ్గిపోవడంతో, సంస్థ కార్యకలాపాలను పునర్వ్యవస్థీకరించాల్సిన అవసరం ఉందని యాజమాన్యం భావిస్తోంది. కంపెనీ CEO ఆండీ జాసీ ప్రస్తుత దశలో వ్యయ నియంత్రణ, సామర్థ్యం, మరియు ఆటోమేషన్పై ఎక్కువ దృష్టి పెట్టాలని సూచించారు.
ఈ తొలగింపులు ప్రధానంగా HR, డివైసెస్ & సర్వీసెస్, ఆపరేషన్స్, అలాగే అమెజాన్ వెబ్ సర్వీసెస్ (AWS) వంటి విభాగాల్లో జరగనున్నాయి. తొలగింపులకు గురయ్యే ఉద్యోగులకు ఈ వారం నుంచే అధికారిక మెయిల్ ద్వారా సమాచారం అందించనున్నారు. తొలగింపులు అమెరికా, బ్రిటన్, మరియు కెనడా వంటి దేశాల్లో ప్రధానంగా జరగనున్నాయని తెలిసింది.
అయితే ఈ భారీ తగ్గింపుల మధ్య, కంపెనీ రాబోయే సెలవు సీజన్ కోసం సుమారు 2.5 లక్షల సీజనల్ ఉద్యోగులను నియమించేందుకు కూడా ప్రణాళిక సిద్ధం చేస్తోంది. దీని ద్వారా ఈ తొలగింపులు ప్రధానంగా కార్పొరేట్ స్థాయిలోనే జరుగుతున్నాయని, ఆపరేషనల్ లేదా సీజనల్ స్థాయిలో ప్రభావం ఉండదని అమెజాన్ స్పష్టంచేసింది.
అమెజాన్లో ఈ తొలగింపులు సంస్థ చరిత్రలో అతి పెద్ద కార్పొరేట్ ఉద్యోగుల తగ్గింపుగా నిలిచే అవకాశం ఉంది. .
