నటుడు కిచ్చా సుదీప్ నటించిన “మ్యాక్స్” సినిమా ద్వారా దర్శకుడిగా పరిచయమైన విజయ్ కార్తికేయతో కలిసి ప్రేక్షకులను ఆశ్చర్యపరిచారు. అదే దర్శకుడితో మరోసారి చేతులు కలిపి ఈసారి “మార్క్” అనే సినిమాతో ప్రేక్షకుల ముందుకు వచ్చారు.
అయితే ఈసారి ఈ హీరో–దర్శకుల కాంబినేషన్ గతసారి చేసిన మ్యాజిక్ను రిపీట్ చేయలేకపోయింది. దీని ఫలితంగా సినిమా బాక్సాఫీస్ వద్ద సగటు స్థాయి ప్రదర్శనకే పరిమితమైంది. తాజాగా ఈ సినిమాకు సంబంధించిన డిజిటల్ స్ట్రీమింగ్ హక్కులను జియో హాట్స్టార్ ఓటీటీ వేదిక దక్కించుకుంది.
“మార్క్” సినిమా జనవరి 23, 2026 నుంచి జియో హాట్స్టార్లో కన్నడ, తమిళ్, తెలుగు, మలయాళం, హిందీ భాషల్లో ఒకేసారి స్ట్రీమింగ్ కానుంది.
ఈ చిత్రంలో కిచ్చా సుదీప్తో పాటు నవీన్ చంద్ర, షైన్ టామ్ చాకో, విక్రాంత్, యోగి బాబు, గురు సోమసుందరం, నిష్విక నాయుడు, రోష్ని ప్రకాశ్ తదితరులు కీలక పాత్రల్లో నటించారు.
ఈ సినిమాకు విజయ్ కార్తికేయ కథ, దర్శకత్వం వహించగా, సెంధిల్ త్యాగరాజన్ మరియు అర్జున్ త్యాగరాజన్ నిర్మాతలుగా వ్యవహరించారు. సంగీతాన్ని అజనీష్ బీ లోకనాథ్ అందించగా, ఎడిటింగ్ బాధ్యతలను ఎస్ఆర్ గణేష్ బాబు నిర్వర్తించారు. సినిమాటోగ్రఫీని శేఖర్ చంద్ర చేపట్టారు.
