టాటా మోటార్స్ భారత మహిళా క్రికెట్ జట్టుకు ప్రత్యేక గౌరవం ప్రకటించింది. ఇటీవల జరిగిన ఐసీసీ మహిళల ప్రపంచకప్ 2025లో విజయం సాధించిన జట్టుకు కంపెనీ కొత్తగా రానున్న టాటా సియెరా (Tata Sierra) SUVలను బహుమతిగా ఇవ్వనున్నట్లు ప్రకటించింది.
ఈ ప్రకటన టాటా సియెరా అధికారిక లాంచ్కు కొద్ది రోజుల ముందే వెలువడింది. టాటా మోటార్స్ ప్రకారం, జట్టు సభ్యుల ప్రతి ఒక్కరికీ టాప్-ఎండ్ వేరియంట్ సియెరా ఇవ్వబడనుంది.
ఇది మహిళా క్రికెట్ జట్టు ధైర్యం, కృషి, విజయానికి గుర్తుగా మరియు దేశం మొత్తానికి ప్రేరణగా నిలిచే చర్యగా భావిస్తున్నారు.
కంపెనీ అధికారిక ప్రకటనలో “లెజెండ్స్కి లెజెండ్ కారును అందజేయడం మా గర్వకారణం” అని పేర్కొంది.
భారత మహిళా జట్టు దక్షిణాఫ్రికాపై 52 పరుగుల తేడాతో విజయం సాధించి, మహిళల వన్డే ప్రపంచకప్ గెలుచుకున్న నాలుగో జట్టుగా చరిత్ర సృష్టించింది.
ఈ నేపథ్యంలో, టాటా మోటార్స్ నుండి ఈ బహుమతి కేవలం ప్రమోషనల్ ఈవెంట్ కాకుండా, మహిళా సాధికారతకు ప్రతీకగా నిలుస్తోంది.
మొత్తంగా, ఇది భారత మహిళా క్రికెట్ జట్టుకు సరైన గౌరవం కాగా, టాటా మోటార్స్కు మార్కెటింగ్ పరంగా స్మార్ట్ మువ్గా నిలుస్తోంది.
